أستشارة بخصوص فرق تكلفة الصيانة والتصليح بين ويف 1 وويف 2

<blockquote class="postcontent restore ">
السلام عليكم ..

أنا كنت عملت موضوع بخصوص شراء ويف 2 وأفادوني الزملاء
كثيرا ولكني كنت في حاجة لإستشارة منفصلة بخصوص تكلفة الصيانة بين
الموبايلين من حيث الآتي ..
بس رجاء في ملاحظة مهمة ..
إني باتكلم عن التكلفة بره الضمان ( يعني
بدون ضمان ) لأن لو اشتريت ويف 1 سيكون في مصر بدون ضمان لأن التوكيل قالي
أنه لا يتم استيراده حاليا .. لذلك أنا محتاجة أعرف الفرق في حالة عدم وجود
ضمان للموبايلين

1- في حالة تعرض الشاشة لأي مشكلة .. هل فرق سعر تصليح
أو استبدال الشاشة كبير بين ويف 1 وويف 2 .. بمعنى هل سعر شاشة الويف 1
أغلى بكتير عن سعر شاشة ويف 2 .. في ناس قالتلي إن الويف 1 شاشته بتوصل لـ
800 جنيه ؟؟؟؟ .. وأيضا هل شاشة ويف 2 متوفره أكثر من ويف1 ؟؟

2- في حالة الحاجة لبطارية جديده .. هل بطارية ويف 1
هي نفس بطارية ويف 2 أم أنهم مختلفين .. لأني عرفت إن بطارية ويف 1 تقريبا
غير متوفرة إلا بصعوبة وأنا لا أعرف أحدا ممكن يجيبلي بطارية أو إكسسوار من
برة مصر ...

3- هل بقية أجزاء الهارد وير متماثلة مثل المايك الداخلي وغيره ولا هناك فرق وكذلك الشواحن والسماعات ولا في فرق ؟؟

4- علمت أن الويف 1 لم تعد سامسونج تنتجه واصبح قليلا
في السوق بسبب تكلفة شاشته .. هل هناك احتمال أن يكون هناك في الأسواق
موبيلا ويف 1 تقليد أو معاد تصنيعا ( يعني مستعملة وتباع على إنها جديده )
؟؟؟ أنا لقيت ويف 1 كله لونه أسود غامق حتى الجزء المعدني منه مش رمادي كما
كان موبايلي المفقود !!! وقالولي إنه من دبي .. فهل هذا موبايل مضروب ...

الفكرة إني قررت أجيب الويف 2 على أساس أن الويف 1
تكلفة صيانته وإصلاحة واستبدال قطعه أعلى من ويف 2 ولكن إذا كانت تكلفة
الصيانة والاصلاح متقاربه بيكون في الحالة دي الويف 1 أفضل لأني باحبه
بصراحة .. بس طبعا لو كان مضمون .. وياريت تقولولي أعرف إزاي الأصلي من
التقليد في الويف 1

رجاء بالنسبة للزملاء من دول غير مصر .. ياريت
يشرفوني بردودهم أيضا على أساس الوضع في بلدهم ....لأن أنا هدفي أعرف الفرق
في التكلفة ولو كان في فرق بين الموبايلين هيكون موجود في أي مكان في
العالم .. لذلك رأيهم يهمني ويشرفني ..

معلش تعباكوا بس رجاء تساعدوني لأني فعلا مش حمل خسارة فلوس ..

ألف شكر مقدما .. دمتم بود [ندعوك للتسجيل في المنتدى أو التعريف بنفسك لمعاينة هذه الصورة]

</blockquote>